...,,,||| امشــــــــــــــــــــــى كفايــــــــــــــــــــــــة |||,,,...

امشى كفاية عذاب ودموع
كفاية حرقة قلبى المخدوع
اصحى بقى وفوق
كفاية سهر وشوق
كفاية حب وكلام فاضى
خلاص زهقت ودا شىء عادى
انك تسحرنى بكلام هادى
لا يا حبيبى دى مش انا
مش هىّ اللى بتدوب بنظرة
ولا حتى ابتسامة وراها حسرة
امشى وروح وياريت ما ترجع
ولو قلتلى ابوس رجلك
برضة مش هصفح
ما قلتلك ميت مرة
محبش الراجل اللى يركع
امشى امشى امشى
يا انتا وما ترجعشى
خذ قلبى وروحى وعقلى
برضه مش هبكى
ليه ابكى وانا رضيت
وعلى حبك انا غطيت
كنت زمان بقول حبيت
بس دلوقتى مش هقول حنيت
استغليت ضعفى
وما همكش حبى
مش هسيبك وربى
دانا بحبك وحبك قسّانى
مش هرحمك ابدا يا انانى
غدرك دا قوانى
واكيد لو كنت مكانى
كنت بقيت سجانى
بص قدامك وشوف
شوف بعيونك اللى ماليها الخوف
شوف انا بقيت ايه
شوف قلبى واللى فيه
كان حبك ماليه
بس الكره بقى طبع فيه
سيب ايدى وابكى
ابكى على عمرك عشان انا هبكى
وانتا عارف لما ابكى واشكى
ما بسالشى وما برحمشى
قلتلك امشى بس انتا اللى رفضت
خلاص غدرت وارتحت
خلاص خلص الكلام
واكيد طار الغرام
بس موعدكش انك هتنام